عرض مشاركة واحدة
01-27-2011, 08:06 PM   #1
النبع الصافي
شريك متألق
stars-2-3
 
تاريخ التسجيل: Feb 2010
الدولة: الاسكندريه
المشاركات: 1,021
صبرى نفد خواطر شعريه

basmala

صبرى نفد خواطر شعريه






مصر قامت وف أيديها كل الولاد

مصر قامت وبتصرخ ف العباد


صبري نفد

كفايه هوان كفايه عذاب كفايه ألم

ياللا نخلق فجرنا من العدم


صبري نفد

إبني الصغير إنفطم علي العذاب

وإبني الكبير من الالم فرحه غاب

والبنت واقفه بتناديهم من غير جواب


صبري نفد

من اليوم خلاص في ألف سكة للخلاص

الصوت حا يعلي

ويقول مفيش محال

هم الرجال

نفضوا غبار الذل

قاموا يفتحوا كل البيبان


صبري نفد

ياللي نسيتوا مين أنا

أنا مصر ولادة رجال

وان لقيتوا يوم من ولادي حد مال

يتولد مليون ولد يهز الجبال

يرفع رايات العزه

ولا يعترف بالقهر ولا بالمحال


صبرى نفد

مهما يحاولوا يخرسوا الصوت الوليد

الصوت ده مارد فارد دراعه

ده واد عنيد

دم اللي راحوا والشهيد

امانه ف يد الولد الحر العنيد

حالف بالف يمين ليخلصك يا غاليه

من القهر العتيد

ويشق فجرك بروحه ويزرع صباح جديد


صبري نفد
النبع الصافي غير متواجد حالياً