عرض مشاركة واحدة
01-23-2011, 08:35 AM   #98
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

يوميات زوج سعيد






راحت فين من حياتنا الطيبة
دى الطيبة لو تعرفوا كلمة حبيبة
دايما من قلوبنا وروحنا قريبة
صفة بتقوى الموصوف بيها
مش بتضعفة وتوصمه بيها
خليك فخور كونك طيب
تبقى من القلب قريب
وتعيش حياتك فى سعادة
أن اللى جواك صفحة بيضة
ما أتشخبطشى فيها بأى طريقة


عمر الطيبة ما كانت خيبة
لو ضاعت منا دى تبقى عيبة
فى زمنا الطيبة راحت فين
والناس ليه بقو بوشين
ده الطيب ذمان كان ينصان
فى القلب والروح له مكان

خليك ع الفطرة المخلوق بيها
تنعم بحياتك وتعيش فيها
وبشوية عطاء وحب تحليها
دى حياتنا هنتسأل عليها

ده اللى ما يدى لغيره الخير
هيعيش طول عمره فقير
مش فقر مال ولا جاه
لكن معنى جميل أتمناه
يعيش العمر عشان يلقاه

مراتى مدمنة


مراتى مدمنة بقولها وانا مش زعلان
لان الادمان انواع فى كل زمان ومكان
وإدمان مراتى نوع مش عادى
لازم أتاعمل معاها وانا هادى
لانى سمعت عن رجالة
أتجننو وأتصابو بحالة
وجالهم من الامراض أنواع
القلب والمراره وده غير الصداع
بأختصار دى حالة مرضية
ولازم أستحملها شوية

الهانم مدمنة عروض وأوكازيونات
إجرى بسرعة روح لم وهات
وتزحم الدنيا بحاجات ملهاش عوزة
مصاريف وزحمة دى ناس مهوسة
ولو جيت أتكلم تقولى

دايما ظالمنى آه يا قلبك
الحق على انى بوفر لك
وفى خزين للبيت بدخر لك
كل ده ومش حاسس أنى بحبك
زعلانة منك الله يسمحك

على طول أقصر الشر وأروح معاها
الهانم رايحة سوبر ماركت معروف
تلف ودور وتشوف
بتقول التخفيضات فيه مهولة
والزحمة كمان حاجة مش معقولة

وفضلت تلف ودور وتلم فى حاجات
اللى بنص الثمن واللى عليه خصومات
ولا العلبة اللى عليها علبتين هدية
وطبعا الحاجات دى بتفرحها وتعيشها فى دنيا تانية

وأنا بلف وراها بالعربية المحملة
تعبان وهلكان ورجليا منملة

والمفاجأة لما وصلنا للكاشير
وجالى زهول من كتر الطوابير
ساعة ونص ما بنتحركش
تعبت ياناس خلاص ما أقدرش

وأخيرا طلعت الفاتورة
وكانت مفاجأة مش معقولة

طلعت كل اللى فى جيوبى فى ثانية
وأعلن أفلاسى ورحت فى دنيا تانية
ياستى أعملى معروف أرحمينى
ده أنا عايش ليكم كل سنينى
لكن لازم تعرفى وتقدرى

أنى موظف وماليش غير مرتبى
مش بستخسر فيكو عنية
بس خلى بالك منى شوية
ولحد ما تبطل أدمان
وتحس ان أنا أنسان
هروح ع القهوة
وأرمى همى فى فنجان قهوة
__________________

signature

منى سامى غير متواجد حالياً