عرض مشاركة واحدة
01-09-2011, 08:21 AM   #70
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

يوميات زوج سعيد


مراتى مجننانى وعيشة فى زمن تانى
زمن اللى بيقولو عليه فانى
أغلبيه بالعيال يغلبك بالمال
كلمة وقالها فى يوم راجل غلبان
ومخه أكيد كان تعبان
مش عايش فى زمنا ولا حاسس بينا
كتلر العيال لو يعرف دى مصيبة




وهى عايشة ومصدقة دى الاكذوبة
العيل ورا العيل
مسابقة ودخلاها بأتقان
وانا معاها والله حيران
الخلفة الكتير ليها أضرارها
وأكيد انتى شايفة وعارفة
كنتى زهرة جميلة فى عينى
بتروى بحبك أحلى سنينى
لكن دلوقتى شوفى شكلك
وبصى على اللى كانو يوم سنك
تعرفى انك مش بترضى ربك
ولا هو ده اللى عوزه منك
مالى وكل ما أملك ليكى
بس انتى ما تسمعيش كلامهم
وعيشى معايا على الحوة والمرة وسيبك من اوهامهم
كتر العيال دى مصيبة
شايلة وراها مليون خيبة
بصى لنفسك الاول وقوليلى
هى دى شريكة عمرى وسنينى
فين تسريحتك ولبسك
أشتقت لفستانك ورحتك
انت أستسهلتى اهمالك فى نفسك
عنيا مشتاقة لكل حاجة حلوةفيكى
ضيعتيها بالخلفة الكتير بأديكى
فين شعرك المنساب على ظهرك
ولا لون الورد على أظافرك
ولا ريحة الفل فى عطرك
مش شايف غير ممياء أدامى
بعدى بالعافية معاها ايامى
لخمتى نفسك بكتر العيال
وبتسمعى وتصدقى دى الامثال
لما بقت حياتى معاكى أهمال فى أهمال
ربنا صحيح قال
المال والبنون زينه
نحبهم ونخدمهم بعنينه
لكن كمان خدى بالك من نفسك
وأملى عنيا بجمالك وحسنك
خلينى اول اولادك
مش خارج كل اهتماماتك
عيل او عيلين بالكتير
يحسو معانا بالحب الكبير
نعرف نربيهم ونعلمهم
ونملى بالحب ايامهم
ولحد ما تفهمى قصدى
اروح على قهوتى اجرى
__________________

signature

منى سامى غير متواجد حالياً