عرض مشاركة واحدة
01-02-2011, 07:55 AM   #54
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421




قالوها حكمة اللى قبلينا
من فات قديمه تاه
ومن لبس غير توبه يتوه فى الدنيا مانلقاه
ومن رضى بنصيبه يا هناه
ومن توكل على المولى كفاه
يعنى نصيبك
هيصيبك مهما جريت وراه
خلى قلبك نظيف تملى
تعيش مرتاح البال معاه


زيارة لبيت العيلة

رحنا زيارة للبيت الكبير

بيت العيلة اللى فيه الخير الكتير

فيه أبويا وأخويا وأمى وفيه الهوا يرد الروح

كنا نطلع عالسطوح نطير حمام القلب والروح

يروح ويرجع بصوت صفير

تحس معاه أنك أمير

ويبقى دايما رمزللحب الكبير

يوم زيارتى لبيت عيلتى

بعيش وأسرح بمخيلتى

وفيه بشتاق لعيال خالتى

وأخد مراتى وأولادى

يعيشو معايا فى الماضى

فى أركان بيتى اللى اتربيت فيه

مع أمى وابويا وقلوب أهلى المليانه خير

رغم سعادتى وفرحتى أبص لوش زوجتى

ألاقى العنكبوت معشش فيه

والملل اللى طالع من عنيها

والساعات اللى بالعافية بتقضيها

مش عاوزة تعيش معايا حياتى

من ماضى وحاضر وأتى

أمى زى كل الامهات

عايشة بطيبة وعفوية

بتحب كل حاجة شيفاها عنيةوبتتعامل معاها بصفو نية
لكن هى مش متهنية

وحاسة أنى ملكها وهم ملهمشى حاجة فى

النظرة تفسرها على مزاحها والكلمة عندها ليها مليون معنى
وتزعل وتكشر لو فى يوم أتجمعنا


ولازم تعكنن على من غير معنى
أختك قالت وأمك عادت
والكلمة تزود عليها مية
وتتعامل معاهم بمليون نية
ياناس
نفسى حد يفهمها
أن حياتى ليها
بس لازم تخلى بالها منها وتحميها
وبكلمة حلوة تحليها
ومعاملة حلوة لبيت أهلى
وبسمة طالعة تندهلى
ساعتها
بالخير هجيب سيرتها
وهملى بالحب والخير حياتها
وأتمنى عمرى معاها يطول
وأعيش براحة بال على طول
ولغاية ماتفهم قصدى
هروح قوام على القهوة
وأرمى همى فى فنجان قهوة
__________________

signature

منى سامى غير متواجد حالياً