عرض مشاركة واحدة
12-26-2010, 09:27 AM   #34
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

يوميات زوج سعيد



النهاردة 4 نوفمبر يوم من أيام ربنا
أشتغلت طول النهار مناهدة وتعب وأنفعال
وروحت بيتى على المغربية
أكل لقمة وأريح شوية
وألاقى أم العيال فى وشى
ونظراتها مش طبيعية
ياترى مخبية ايه وراء ضحكتها المصطنعة دية
ورايحة جاية أدامى وتتنهد وتنفخ
وفى لحظة واحدة صرخت بصوت عالى
هو النهاردة ايه؟
ولفت الدنيا بى وأفتكرت عيد ميلادها ونسيت أو عيد جوازنا أو اى عيد
وأقول وأنا مصدوم
النهاردة الخميس
تاخد نفس عميق وكأن الدنيا خنقة
ووشها يجيب ميت لون فى ثانية
وتقول بصوت مخنوق
النهاردة عيد الحب

وأعمل نفسى مش سامع وأكرر كلامها تانى
عيد الحب هو الحب له عيد
ترد وهى منفعلة-طبعا من زمان لكن للصبر حدود
وبقول يمكن لوحدك تحس بى وألاقيك فى يوم داخل على بهدية
دبدوب ولا وردة حمرا أو حتى جلابية
وأشمعنى أفتكرتى السنه دى ما كنتى تعديها هى التانية




تقول--أتحسرت على حالتى لما شفت جوز جارتى
داخل عليها بالهدايا والورد الاحمر
وباعت لها من الشغل الرسايل
ده غير أغانى عبدالحليم اللى بيغنيها لها كل يوم
لكن أنا ----آآآه يانى يابختى
وأعدت بالساعات تندب حظها اللى مال
والهموم اللى شيلاها من العيال
وشغل البيت اللى ما بيخلص

عمرك ما قلت لى عزمك على عشوة
ولا فسحة حلوة ولا تدخل على بهدية
حتى الوردة الحمرة مستخسرها فى

ياستى أهدى شوية مش بالرسايل والهدايا
ربنا أعلم بالخبايا
بحبك والله ده انتى أم عيالى
لكن تقول لمين حطت جارتها أدام عنيها
وعوزانى أدخل عليها بوردة حمرة
وابعت لها فى رسايل حب جامدة
طب ده عقل بالذمة
فاكرة الحب كلمة
الله يسامح اللى اتسبب فى دى الازمة

مش هخلص من دى حكاية الا بفنجان قهوة
فى قهوة منتدانا
يمكن ارجع الاقيها نامت ولا نسيت المناهدة معايا
__________________

signature

منى سامى غير متواجد حالياً