عرض مشاركة واحدة
12-21-2010, 10:33 AM   #1
أسامة أبو محمود
شريك فضي
stars-1-6
 
تاريخ التسجيل: Nov 2010
الدولة: دمياط - مصر
المشاركات: 257
عاوز اتجوز عروسه تكون بنت حلال

basmala

[]عاوز اتجوز يا ام هلال

واحده تكون على قد الحال

حسنها فايق كل دلال

خفه ورقه وبنت حلال

انا مش عاوز كتر زواق

عايز واحده تكون اخلاق

ما تبعنيش اكمنى فقير

وترضى تعيش لو جوه زقاق

بنت اصول وتفتح بيت

وتكون تفهم فى الايتيكيت

اخر طيبه وطبعها رايق

تحمل همّى ان رحت وجيت

تصحى تقولّى صباح الخير

ما تقولّيش هالو مونشير

وما تسيبليش البيت وتكون

طول اليوم عند الكوافير

ولا تقلدش الست فلانه

وتغلّبنى واقول اه يانا

ولا تصرفش ماهيتى فى ساعه

ونعيش طول الشهر حزانه

يعنى عايزها تحب تعيش

تحفظ عرضى وما تبعنيش

تعرف ان الحال على قدى

واكتر من اللى معايا مفيش

ساكنه فى عشّه او فى سرايا

وقت الشّده تكون ويّايا

وتصون عيشى وملحى ودايما

تدعيلى يسترها معايا

تملا حياتى وقلبى الخالى

متربّيه صحيح على الغالى

وان لقتيها بكل شروطى

اخطبيهالى قوام وتعالى
ــــــــــــــــــــــــــــــــــــــــــــــــــ ـــــــــــ

ياترى فيه عروسة بالشكل ده .. والا دى كلها أوهام[/]
أسامة أبو محمود غير متواجد حالياً