عرض مشاركة واحدة
12-19-2010, 11:04 AM   #2
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426



يوميات زوج سعيد


يدق جرس المنبه
ليعلن يوم جديد فى بيتى السعيد
وكالعادة بصحى بدرى حتى يوم الاجازة
آآآآهه
أقوم أحضر الفطار قبل أم العيال
ماهو لازم يبقى فى تغير
أيه يعنى لما تصحى تلاقينى محضر الفطار
ماهى مسكينه تعبانه طول النهار
الواد ده عمل والواد ده سوى
ولا رغيها فى التليفون وأعدتها
مع جارتها طول اليوم
فلانه قالت وعلانه زادت


يلا
أدى الفول والزيت--والجبنه والبيض
أصل الفطار ما يكملشى الا بالبيض
العيال لازم تتعذى
أيوه كدا فطار ملوكى

يلا أصحى أم العيال
حبيبتى حياتى روحى
يوووو سبنى انام شويه
أصحى عاملك فطار من ايديا وحياة عنيا
فطار؟فطار حقيقى؟
طبعا ده فطار ملوكى

وتصحى العيال وام العيال ويروحو للسفرة
تحصل المفجأة
شكل الوليمة أونطة
فول معجن من غير زيت ولا ملح
بيض محروق وده غير الصحون الى فى كل مكان

وتبدأ أم العيال فى وصلة تأنيب
ده فطار ملوكى--وايه الى عاملته فى المطبخ ده
آآآهه يانى ياتعبانه وشقيانه حتى يوم الاجازة
وخزين البيت راح

صحيح الستات دول مهما تعمل عشانهم
لا حمد ولا شكر
وفضلت طول اليوم تعيد وتزيد فى الكلام
وأتحولت فى لحظه
ربطت دماغها بمنديل ولبست جلا بيه بميت رقعه
بتاعة تنظيف
وحواجبها أتقلبت تمانيه وهات ياكنس ومسح وتنظيف
كأن ليها مليون أيد





قلت خلاص راحت الاجازة
ما لقتش غير الجرنال أقراه شويه
وطبعا كالعادة فتحته على صفحة الرياضة
أشوف أخبار الملاعب--والاعب الى هرب والتانى الى بالشئ الفلانى
ولا الى طالب زيادة فى عقده
ولا فلان الى سرقوه من النادى الفلانى
يلا ماهى كورة مجنونه

لما افتح التلفزيون شويه
300 قناه مره واحده والفيلم يتعاد مليون مره
ولا الاعلانات لما ادورها قوام قبل ما تيجى العيال
أشى شيبسى وعصير وبيبسى
عيزين ميزانيه تانيه

وتيجى أم العيال
وآآه لما تضحك يبقى فى طلبات
وبصوت رقيق على غير العادة تنده
حبيبى
قلبى على طول يطب وأحط أيدى على جيبى
قولى يا نصيبى

أم مروان جارتنا راجعه بشئ وشويات
أصل السنتر الى ورانا عامل تخفيضات

ما يعمل وانا مالى
أزاى ده الفستان الى 300 بقى ب100
هو انتى ناقصك فساتين
لا بس زيادة الخير خيرين
وبصوت رقيق تقول
هو أنت مستخسر فى
كان لازم أرد وأقول
لا ده أنتى نور عنى
بس يا ستى الميزانيه
وتضرب مليون بوز
أخد بعضى وأجرى على القهوة
أحط همى فى فنجان قهوة
وأكمل لكم بكرة
هتعمل ايه فىنصيبى واخرة صبرى




انتظرونى





تابع
منى سامى غير متواجد حالياً