عرض مشاركة واحدة
12-19-2010, 11:02 AM   #1
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421
قهوه ورد للفنون ثقافه من كل لون

basmala

قهوه ورد للفنون ثقافه من كل لون

قهوة منتدانا
قهوة كل العصور
قعد عليها ياما مثقفين وأدباء
وسياسين ووطنين وفنانين
وكانت اول شعلة لثورات الثائرين




أحكى اللى عندك-كلنا هنا هنسمعلك وتسمعنا

القهوة جدرانها شايلة حكاوى
من الزمن اللى فات

صوت دندنات السهرانين

بيت مضلل عالغريب زى السحاب
القهوة عشرة وجيرة ومشاريب عالحساب
وفضفضة قلب بين اتنين أصحاب
القهوة خلق بتحكى فى ميت مليون حوار
صوت ضحكها يكسر الانتظار
القهوة مش يأس وطموح فاته الزمن
ولا هى وقت بينقضى من غير ثمن
فيها ناس قاعدة تذوق طعم الوطن


القهوة عالم بحاله قايم--فيه الى قاعد جانب اللى قايم
وفيه مشاكل وفيه عبر-- وفيه تقابل كل البشر
فيه اللى ايده على خده-- وفيه اللى شايل طاجن سته
واللى جاى يهزر شويه--واللى قاعد وسط شله

هقدم كل شخصية سواء سياسية او فنيه
او مهنه منسية
او يوميات زوج لقى فى القهوة همومه مخفية


ونبدأ
ولا يحلى الكلام الا بذكر النبى عليه الصلاة والسلام

هنسمع شاعر الربابه
فى قهوة منتدانا

يغنى أغنية فلكلوريه



من كلمات الشاعر الرائع



( أحمد فؤاد نجم )



عطشان يا صبايا

وانا عاشق .. ع السبيل



عطشان

والميه ف بلدي
على عكس ما يجري النيل


والنخل العالي مطاطي

والجذع الواطي
ذليل


والريح العاكس

كابس
والريح العاطي
بخيل


والنسمه اتعكر لونها

من هم الناس
يا خليل


عطشان والنيل في بلدي

والزرع اخضر
وجميل


وانا كنت امبارح خالي

واليوم دا
صبحت عليل


عطشان و دوايا حبيبي

يسقيني العشق دليل
ودليل الحب .. عمايل
وكلام الحب جميل


وانا كل ما أقول التوبه

تغويني .. المواويل


تطرح في القلب جناين

تفقس فيها الزغاليل


عشاق يا حمام الغيه

ولا فيش قدامنا بديل


سكه ومحسوبه علينا

نمشيها
جيل ورا جيل
ع الشوك
نفرد خطاوينا
في الليل
تضوي القناديل


حوالينا قلوب حبابه

ومعانا العقل دليل


والشمس تصب صبابه

والمنبع
نهر النيل


وان لاموا علينا

يلوموا


ما لهمش علينا سبيل

ما هو شوك العشق
ملامه
والشوك
في الورد أصيل


ودوني ع السبيل

ودوني ع السبيل
منى سامى غير متواجد حالياً