منتديات ورد للفنون التشكيلية و اليدوية

منتديات ورد للفنون التشكيلية و اليدوية (https://www.ward2u.com/index.php)
-   منتدى ثقافي موضوعات ثقافية عامة خواطر شعر سيرة شعراء (https://www.ward2u.com/forumdisplay.php?f=34)
-   -   حن وآنه حن للشاعر مظفر النواب (https://www.ward2u.com/showthread.php?t=146)

ثامر داود 12-29-2007 02:13 PM

حن وآنه حن للشاعر مظفر النواب
 
حن ....
وآنه حن
وأنحبس ونه....
ونمتحن
مرخوص بس كت الدمع
شرط الدمع
حده الجفن


****

جفنك جنح فراشة غض
وحجارة جفني وما غمض
يلتمشي بيه
ويه النبض
روحي على روحك تنسحن
حن بويه حن

****

عيونك
زرازير البراري
بكل نشاط جناحها
بعالي السحر
والروح مني
عوسجة بر
ما وصل ليه النده
ولا جاسها بقطرة المطر
وصفولي عنك بالنباعي تفيض
وتعنيت ليله ...ويه القمر
وصفولي عنك كل مسامة تفيض
منك عطر...يلحسنك نهر
تنزل بصدري ويه النفس وبدمي
غصبن تنعجن
وأشهقك وأصعدك للسما
بحسرات وبعنة حزن
حن ...بويه حن


****

شفافك ولا قولن ورد...
عنابه معقوده عقد
تمتلي بقد ما تنمرد
لاهو دفا لاهو برد
آنه بوصفه راح أجن


****

سكتاتك تشكل خواطر بالقلب...
مالي عرف بيهن قبل
مبروم بره الريزه
ياريان ومخوصر خصر
لف العقل
كل كلمة منك....
نبعة ريحان...بالدلال...
ما تحمل ثقل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايق سكر
حني بفوازير ولحن...
حنة حمامات السجن
حنه إلي...
وجنه إلك...
واللي يعجبه خل يحن
حن بويه حن


****

آنه من أشوفك
يمتلي الماضي الجدب
زهرات بيض من الوفه
وروحي سواقي من الحنين تصير
وأتنبه وقت بيه غفه
يا محجل إن مريت بيه ردود
أرد أردود للعشرين...
من عمر الجفه
وأنصف عمر منك
نصفته بالهجر...
والهجر منك ما كفه
حتى الهجر يا روحي
منك ما كفه
وقلبي أعله هجرك قام أيحن
حن... بويه حن

****

حن ...
وآنه احن
وأنحبس ونه....
ونمتحن
مجبور أرخصك على الدمع
شرط الدمع يكوي الجفن


مظفر النواب

السويدي 12-29-2007 04:59 PM

[IMG][/IMG]

[IMG][/IMG]
ثامر ..للكلمات
فهمت المضمون وفيه كلمات
ربنا يسهلها ونفهمها
فيه صاحب عراقي نسأله
ان شاء الله


http://i.imgur.com/8IpJz.gif

ملك 12-30-2007 01:55 AM

http://i.imgur.com/OHvaN.gif
http://i.imgur.com/IUnzm.gif
http://i.imgur.com/QbY89.gif
اشكرك
ثامر
وعايزين ترجمه
لبعض الكلمات


عوسجة
بويه
زرازير
مبروم بره الريزه
واخرى

http://i.imgur.com/ZsSiq.gif

ثامر داود 12-30-2007 07:51 AM

السويدي

ثامر ..للكلمات فهمت المضمون
وفيه كلمات ربنا يسهلها ونفهمها
فيه صاحب عراقي نسأله
ان شاء الله


شكرا لك اخي الطيب
والله يساعدك بعد باللهجه العراقيه
واي شيئ اني بخدمتك


الساعة الآن 02:25 AM.

Powered by vBulletin® Version 3.8.9
Copyright ©2000 - 2018, vBulletin Solutions, Inc