منتديات ورد للفنون  

العودة   منتديات ورد للفنون > منتديات عامة > المنتدى الثقافي

المنتدى الثقافي منتدى ثقافي ,الموضوعات الثقافيه وسيرة كبار الشعراء واجمل قصائدهم كنماذج للشعر الكلاسيكي والعامي والنبطي , ابداعات الاعضاء

ملعون ابوها الحمامة ام غصن زيتون

ملعون ابوها الحمامة ام غصن زيتون
إضافة رد
 
أدوات الموضوع
قديم 02-14-2012, 11:22 AM   #1
زهرة الكاميليا
VIP
ward2u
ward2u
 
تاريخ التسجيل: Jun 2007
الدولة: مصر - اسكندريه
المشاركات: 2,665
زهرة الكاميليا is on a distinguished road
افتراضي ملعون ابوها الحمامة ام غصن زيتون

ward2u





قصيدة جديدة رائعة لا تفوتكم
تهتز لها المشاعر
بصوت الخال الثائر
عبد الرحمن الابنودى
المهموم بأوجاع الوطن


http://www.4shared.com/video/OyqPRVpQ/______--__.html


الصخر لو ينفجر .. النبع ايه ذنبه؟؟
سباق فى ساحة

ما بين انسان و بين قلبه
مادام لموت احمل السيف اللى بتحبه
و اذا اندفعت اندفع و اذا إن وقعت تسد
طول عمر وطنك بيحلم تبتدى حربه
وجّى يا بلد الحرايق و اصرخى بجنون
و احرقيها مدن و كروم و ناس و سجون
ملعون ابوها الحمامة ام غصن زيتون
معمولة لجل الضحايا يصدقوا الجلاد
يا ايد يا متكتفه
يا ضهر يا منجلد
يا طفل مين ورثك الاحتمال و الجلد؟
يا طفل بهموم رجال
يا بنت قبل الولد
يا ارض تطرح حصى .. يا قلوب بتطرح عند
مين اللى قال الكلاب تسكن عرين الاسد
طلع مش مهم السلاح
طلع يغنى عنه الحجر
طلع مش عويص الكفاح مادام فيه ارادة و بشر
طلع مش بعيد الصباح و مستنى خلف الشجر

و منين اجيب ناس لمعناة الكلام يتلوه؟
اذا كنت باجى اقوله .. نص عقلى يتوه؟
فمنين اجيب ناس لمعناة الكلام يتلوه؟
الكلام مش مستجيب
والصمت عار
والمسافة بعيدة بين الفعل و القول البليد
لكن نحااول
لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف!
وصف جيد .. وصف خايب ..
وصف صادق .. وصف كاذب
فى النهاية كله وصف !
كل شعر الوصف
مايساويش فى سوق الحق صرخة
الكلام عن كل ده شئ م التطاول
انما .. لازم نحاول
القصيدة مشكلتها فى التناول
مشكلتها فى البداية و النهاية
مضامينها و شكلها و عديد من المسائل
القصيدة قصيدة .. بس الفعل فعل
هل نكف عن المحاولة؟ او نحاول؟
لو سكتنا .. يقولوا : ضاعوا !!
لو وقفنا .. يقولوا: باعوا !!
و اذا قلنا
يقولوا فين الكلمة من رمية حجر ؟؟
صرخة قتيل ؟؟
ثورة الاطفال تخلى الشعر لو كان عبقرى
وزنه قليل !!
يا رفاقة .. شعرنا ماهوش بخيل
اعذروا الشعراء اذا خرسوا النهاردة
و اعذروا الكلمة اذا احتارت و دارت
النهاردة الغنوة للأفعال
و اعذروا العواجيز اذا صمتوا النهاردة
و استكانوا للرقاد ف الصمت مدة
النهاردة الصرخة للاطقال
الكلام … مايشيلش جثة
الكلام … مافيهش دم
الكلام … مافيهوش هجوم ولا تراجع
الكلام .. مالوش لجان
الكلام ماهوش محاصر بالمدافع
لا دكاكينه بتقفل .. ولا تتسمم غيطانه
ولا قاطعين عنه نوره أو مياهه
ولا ممنوع م العمل
ولا مشلول بالحصار الاقتصادى
ولا بالغاز المسيل للدموع
ولا بيعانى عطش و يعانى جوع
زى اصغر طفل ف الوطن المقاتل
نسكتوا ولا نحاول ؟؟
لأ .. نحـــــــاول

حبيبتى كل ما بنسى تفكرنى الحاجات بيكى
ائنك تدمعك عينى كأنى مش هغنيكى
دمايا متستهلش تكون كحلة ليله لعينيكى
و انا الدرويش
انا السابح بمسبحتى
ومبخرتى .. و توب الخيش
اغنى لك
و اموّل لك مواويلك .. ماتسمعنيش ولا تشوفينيش
ومش لازم مادام عايشة .. مادمت بعيش
وياما بيكى عقلى اتجن
وانتى الأنّ .. انتى الظن و أنتى قلمى لحظة فن
يا غنيوتى .. انا احزن اغانيكى
و انت الحلم
. اااه من حلم .. لا نسينى ولا نسيكى
يبيعوا اللون .. يغشوا الدم
يهدوا الكون
يشيلوا الكيف .. فى عب الكم
انا انفاسك الخضرا
وانا الجرح اللى فى جبينك
انا الخنجر فى شريانك .. و انا اللقمة فى ايد طفلك
انا قبرك و اكفانك .. وانا الشمعايا فى حفلك
انا الجاهل لكن باقرا .. و بفهم غاية النظرة
انا دارك وانا اهلك .. و انا وردك و انا نسلك
انا رغيفك و فرانه .. وحطب النار
وزيتونك و زتانه .. انا القاطف و انا العصار
و اسلامك و قرأنه .. و قلبى منشد الاذكار
انا العابد .. انا الزاهد
انا اللى يحب .. مايلومنيش
انا العاشق .. انا الدرويش
صلاة الثورة ماتفتنيش
ودم شهيدى و ضانى بماء تانى
بماء من نبع نورانى ..
فى قلبى مافيش فى اسرارى و لا حكايتى
الا انتى
يا خيط النور .. يا كوة فى سور
يا نور منظور .. يا خير محظور
انا الايد اللى مانعانى
انا الاًسر و انا المأسور
انا الغايب .. انا الدايب
صبابة
و الجناح مكسور
و انا التايب عن الماء الحرام و العيش
انا الدرويش .. ابو الدراويش
جناحات قلبى من غير ريش
انا الماشى و انتى الفكر .. انا المجنون فى قلب الذكر
و محتكر المحبة البكر
سكنتى ازاى كده فى عيشى؟
و نخششتى فى نخاشيشى؟
كأنك فيا مولوده و موجودة
و مفقود حب مفقودة
و اغانيكى انا هية
على صدرى غيطان زعتر و “ميرامية”
ميرامية على صدرى
و يوم ما اموت
تحشيها و ترميها على قبرى
انا المنقوش فى كفينك
يا موشومة على صدرى
يا كبشة عطر ريحانى .. يا صوت دمى اذا يسرى
ولا يفصلنا يوم فاصل و ده الحاصل
فماتلومينيش
ده انا الدرويش ..
انا المقتول .. انا المهبول
انا اللى بادروش الدراويش
بفرّق جرحى ع الثوار .. و اكفن ميتى .. بنوار
وفى صفوفك تلاقينى افرق عيش
ماتحرقشى عبايتى النار ولا اللحية
و من حارة الى حارة .. و من شارع الى شارع
و من ناحية الى ناحية
يقابلنى العدو برصاص
اقوم نافضه من الجبة الرصاص و ارميه كأنه قش
قلوب الأوليا نيتها لا تتغش
انا الدرويش
ماينقصنيش فدا و اخلاص
والرجعه ماتنفعنيش
صورتها تطل م الطاقة
عيوتها السودا عشاقة
و مشتاقة
و انا الدرويش بانزف دم
وسع لى الطريق يا عم
و ماشى بجرحى مش مهتم
يا عرسى يا إنتفا موتى



حبيبتى ساكنة فى صوتى
وماسك ايدها فى السكة .. تسابق خطوتى ضحكة
و لون الدم فى صدرى ماسكتنيش
و خلانى اعيش و اعيش
اعيش درويش يا درويشة
يا درويشة و اموت درويش
اعيش درويش
و امشى ادروش الدراويش
واغنى ادروش الدراويش
و اموت بادروش الدراويش
حبيبتى تعيش .. حبيبتى تعيش .. حبيبتى تعيش



وجّى يا بلد الحرايق
بالعامية المصرية
إشتعلى ...
دمتم بخير
زهرة الكاميليا غير متواجد حالياً   رد مع اقتباس
قديم 02-14-2012, 12:46 PM   #2
منى سامى
ward2u مراقب عام
ward2u
ward2u
 
تاريخ التسجيل: Oct 2007
الدولة: عيد ميلادك احلى عيد
المشاركات: 12,585
منى سامى is on a distinguished road
افتراضي

الله ياست الكل انت
والله اجمل زهرة فى بستان الورد
انا من عشاق الخال وكلامه
اللى نابع من قلب الطين المصرى
ومعجون بمية نيله
ومخبوز على نار الشمش المصريه الاصيلة
يسلم لسانه ويطول فى عمره
وتسلمى لنا ياقمر المنتدى المنور
دائما انت شمس ساطعه على صفحات ورد للفنون
تغمر بضيائها كل الكون
سعيدة جدا بالوقت اللى قضيته بين سطور موضوعك
ربنا يبارك فيك ويعطيك كل الخير



انا الغايب .. انا الدايب
صبابة
و الجناح مكسور
و انا التايب عن الماء الحرام و العيش
انا الدرويش .. ابو الدراويش
جناحات قلبى من غير ريش
انا الماشى و انتى الفكر .. انا المجنون فى قلب الذكر
و محتكر المحبة البكر
سكنتى ازاى كده فى عيشى؟
و نخششتى فى نخاشيشى؟
كأنك فيا مولوده و موجودة
و مفقود حب مفقودة
و اغانيكى انا هية
__________________
مطبخى -مطبخ ورد للفنون
منى سامى غير متواجد حالياً   رد مع اقتباس
قديم 02-14-2012, 05:42 PM   #3
السيلاوي
شريك شرف
ward2u
 
تاريخ التسجيل: May 2011
الدولة: بلاد العرب أوطاني
المشاركات: 2,029
السيلاوي is on a distinguished road
افتراضي

زهرة الكاميليا

حبيبتى كل ما بنسى تفكرنى الحاجات بيكى
ائنك تدمعك عينى كأنى مش هغنيكى
دمايا متستهلش تكون كحلة ليله لعينيكى
و انا الدرويش
انا السابح بمسبحتى
ومبخرتى .. و توب الخيش


الرائعة جدا والمتألقة دوما
أجمل الزهرات
زهرة الكاميليا
صوت الخال عبد الرحمن القادم من زمن سحيق
يستشرف حاضرنا والمستقبل البعيد
يضع يده على جرحنا ليسكنه فيستثيره
وكأنه يكتب بأصابع من ملح
وحنجرة من وجع
ابدع هو وابدعت انت في عرضك
واقول أنا بالفعل ملعون ابوها الحمامه
ام غصن زيتون
التي افترست صقورهم كل أسرابها
وأكلت نيران حقدهم كل أشجار زيتونها
وما زلنا نتمسك بتراثها وننادي به وكأننا
الوحيدون الذين يعيشون على هذا الكوكب
كل الشكر الجزيل لك
__________________
السيلاوي غير متواجد حالياً   رد مع اقتباس
قديم 02-14-2012, 05:45 PM   #4
علا الاسلام
ward2u
ward2u
 
تاريخ التسجيل: Aug 2010
الدولة: egypt-cairo
المشاركات: 3,120
علا الاسلام is on a distinguished road
افتراضي

انا انفاسك الخضرا
وانا الجرح اللى فى جبينك
انا الخنجر فى شريانك .. و انا اللقمة فى ايد طفلك
انا قبرك و اكفانك .. وانا الشمعايا فى حفلك
انا الجاهل لكن باقرا .. و بفهم غاية النظرة
انا دارك وانا اهلك .. و انا وردك و انا نسلك
انا رغيفك و فرانه .. وحطب النار
وزيتونك و زتانه .. انا القاطف و انا العصار
و اسلامك و قرأنه .. و قلبى منشد الاذكار


قصيدة جميلة من قصائد ابن البلد عبد الرحمن الأبنودى
جزيل الشكر لكِ زهرتنا الجميلة زهرة الكاميليا
دُمتى بكل خير
و جزاك الله خير الجزاء
__________________
علا الاسلام غير متواجد حالياً   رد مع اقتباس
قديم 02-14-2012, 06:58 PM   #5
هالة
ward2u مراقبه عامه
ward2u
ward2u
 
تاريخ التسجيل: Jun 2007
الدولة: انثي
المشاركات: 21,647
هالة is on a distinguished road
افتراضي

هو دائما ابن ابنود
بيجي ع الجرح
ويضغط بحروفه اللاذعة
بيعرف فين بيت الداء
كلامه موزون ولا اجمل
تسلمي لنا حبيبة قلبي
زهرة الكاميليا
المتألقة دوما كعادتك
ربنا يبارك فيكِ ياغالية
__________________
هالة غير متواجد حالياً   رد مع اقتباس
قديم 02-14-2012, 10:43 PM   #6
ملك
ward2u مراقب عام
ward2u
ward2u
 
تاريخ التسجيل: Jun 2007
الدولة: مصر
المشاركات: 14,675
ملك is on a distinguished road
افتراضي



الغالية
زهرة الكاميليا
على الموضوع الجميل
والقصيدة الجميلة الرائعة
للشاعر عبد الرحمن الابنودى
وابداعاتك الجميلة دوما
بارك الله فيك
تسلم يدك


__________________
السلام عليكم


انا عمرو عاطف البكرى ابن العضو ملك
توفى الى رحمة الله والدى . اسئلكم الدعاء
ملك غير متواجد حالياً   رد مع اقتباس
قديم 02-16-2012, 08:41 AM   #7
زهرة الكاميليا
VIP
ward2u
ward2u
 
تاريخ التسجيل: Jun 2007
الدولة: مصر - اسكندريه
المشاركات: 2,665
زهرة الكاميليا is on a distinguished road
افتراضي

أحبتى فى الله
يامن أسعد بتواجدكم وأتعزى من كل ألم
بكل حرف عبقري يشاركنى بالمودة وثراء الفكر
لكم إمتنانى ..لكم أطيب المنى
منى سامى
السيلاوى
علا الإسلام
هالة
ملك

كلما إزدادت الضراوة فى تشويه أعظم الثورات
والتى إنحنى لها العالم بأسره
تلاحقنى هذه الشطرة من قصيدة الأبنودى
ضحكة المساجين
غلط الورد ودخل فى أغبى كمين
ويتملكنى الأسف
فيما يبدو أنه إتجاه عام
للغالبية العظمى من الشعب
فى مروره مرور الكرام
على دماء غالية ما أن تجف حتى تلاحقها دماء
وسريان نغمة فاقدة لأى معنى من معانى الألم والترحم
على من إفتدونا بالروح
مفادها أن لكل ثورة ثمن
والشهداء لن تنساهم السماء
وللأحياء حق الحياة وحق الإستقرار

هل نحن لا نستحق الإخلاص والفداء
أم أفسدنا طول بقاء عهد الإذلال والنفاق ؟
الواضح أنه ليس من أمل
إلا فى شباب عرفناه وسكنت قسماته الوجدان
آمن بالحرية وتطلع للخلاص مهما كانت التضحيات
شباب سوف يمضى على خطاه أولاده والأحفاد
ومن ثم أجيال تتسارع خطاها.. وقادمة بإذن الله

وها هى بشائر الأمل
جيل يقف على عتبات الشباب
اليوم ينتفض
يتمرس على نيل الحق بإباء وشمم
فما شاهدناه على الشاشة الصغيرة
إثر دعوات للإضراب والعصيان
من ظهور لصبيين من طلاب المدارس
أثلج الصدور وفتح ابوابا للفرح
يااااه
كل هذا الوعى ..كل هذه الثقة على درب الحق ؟
ورغم إتفاقهما على الخط العام للثورة
فإن لكل منهما رأيه الخاص
يعبر عنه بهدوء ..وبلا وجل

انا دارك وانا اهلك .. و انا وردك و انا نسلك
انا رغيفك و فرانه .. وحطب النار
وزيتونك و زتانه .. انا القاطف و انا العصار
و اسلامك و قرأنه .. و قلبى منشد الاذكار

أحمد جمال
أمين عام إتحاد طلاب مصر
الذى حمل الدستور وتعمق فيه
صبيا فى المرحلة الإعدادية
ليس مع الإضراب من منطلق عقلانى
لأن من لم يهن عليه دم الشهيد
فلن ئؤثر فيه أى إضراب

انا اللى يحب .. مايلومنيش
انا العاشق .. انا الدرويش
صلاة الثورة ماتفتنيش
ودم شهيدى و ضانى بماء تانى ..
بماء من نبع نورانى ..
فى قلبى مافيش فى اسرارى ولا حكايتى
الا انتى

أحمد مالك
عضو حركة طلاب مصر للتغيير


بينما يتحمس أحمد مالك
للإضراب
مفرقا بوعى وإدراك بين العصيان والإضراب
رافضا للعصيان
نظرا لأن ما تمر به مصر على حد قوله
هو حراك ثورى
وليس وعيا ثوريا


حقا صدق شاعرنا
الخال الأبنودى
فى صيحته الهادرة
أن الآوان ترحلى با دولة العواجيز

وعبرت بحنوها ومأثوراتها الراشقة فى القلب
د. هبة رؤوف عزت
عن الأمل الوحيد الباقى
لإكتمال نهضة مصر وحلمها الثوري

يا أبنائي.. أنتم أمل هذه الأمة
فكيف يفقد الأمل من يمنحه،
وأنتم نورنا في لحظات الالتباس
بفطرتكم السوية وقلوبكم النقية
فكيف تملأ هذه القلوب طاقة سلبية،
أبوس الأرض تحت نعالكم وأقول أفديكم..
لا تيأسوا ولا تحزنوا ولا تذهب أنفسكم حسرات،
اسألوا الله الرشاد والثبات والبصيرة
فهي أيام التباس
وسيجعل الله بعد عسر يسرا
سيجعل الله بعد عسر يسر


دمتم بخير
زهرة الكاميليا غير متواجد حالياً   رد مع اقتباس
إضافة رد

أدوات الموضوع

ward2u تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


ward2u المواضيع المتشابهه
الموضوع كاتب الموضوع المنتدى مشاركات آخر مشاركة
رساله من قلب ام الى ابنها العزيز ارواح منتدى الحوار العام 6 10-30-2013 01:04 AM
ام تزور ابنها بلندن ههههههههههه ارواح منتدى النكات والصور المضحكه 4 04-13-2011 12:53 PM


الساعة الآن 01:39 AM.


Powered by vBulletin® Version 3.8.8
Copyright ©2000 - 2014, vBulletin Solutions, Inc.