منتديات ورد للفنون التشكيلية و اليدوية  

العودة   منتديات ورد للفنون التشكيلية و اليدوية > منتديات ورد للفنون المتخصصه > مطبخ ورد للفنون اسهل طرق تقديم اطباق وصفات طبخ خضروات فواكة حلوى

مطبخ ورد للفنون اسهل طرق تقديم اطباق وصفات طبخ خضروات فواكة حلوى وصفات طبخ سهلة وصفات طبخ بالصور طرق تقديم اطباق خضروات فاكهة حلوى

إضافة رد
 
أدوات الموضوع انواع عرض الموضوع
07-31-2017, 05:56 PM   #1
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,711
كيكة المج على البخار بدون فرن

Facebook Twitter Google LinkedIn vkontakte messenger Digg

basmala

كيكة المج على البخار بدون فرن

اهل واحباب منتديات ورد للفنون
السلام عليكم ورحمة الله وبركاته


طبعا انتو عارفين انى بحب الافكار الجديده
وخصوصا لما تكون سهله
كتير بيحصل معانا مشاكل فى تسويه الكيك
ساعات تهبط مننا او تتلسع او تترفع بجنب واحد
وغيرها من المشاكل اللى ممكن يكون سببها
عيب فى الفرن ودى حاجه ملهاش حل
لكن اكتشفت اخيرا ان الكيك ممكن يتعمل
من غير فرن خالص
على عيون البتوجاز
لقيت كذا طريقه
اخترت ابسطهم و جربتها
و بصراحه لا كان فى بالى اعمل موضوع
و لا اصور و لا اى حاجه
و كان ورايا مليون حاجه
لكن عجبنى شكل الكيك قوى لما استوى
فأخدت صورتين بسرعه وقلت اقول لحبايبى على الطريقه
وعايزه اقولكم انى فوجئت انها اكتر كيكه
هشه و طريه و عاليه و رائعه انا اكلتها
وللامانه انا اخدت الطريقه من فيديو مغربى
لكن اضفت لمساتى الخاصه
هههههه
ياريت تجربوه هيعجبكو قوى

هند غير متواجد حالياً  
07-31-2017, 06:02 PM   #2
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,711

المقادير

2 بيضه
نصف كوب سكر خشن
نصف كوب زيت
كوب ونصف دقيق
كوب زبادى
كيس بكنج بودر
ذرة ملح

الطريقه

نضرب السكر مع البيض والزيت والزبادى
بالمضرب او فى الخلاط
وبعدين نضيف الدقيق و الملح والبكنج بودر
يعنى الطريقه العاديه لعمل الكيك
وعلى فكره هتلاقو الكيك لزج وتقيل جدا
لان السوايل فيه قليله
لكن متخفوش هيبقى خفيف جدا لما يستوى

نيجى لطريقه التسويه

هنجيب فناجين الشاى الصينى او اى مج صينى
ندهنه بالزيت ونبطنه بالدقيق زى اى صينية كيك
نصب فيه الكيك لحد نص المج تقريبا
المقدار ده عمل 6 فناجين شاى
ونرص المجات كلها فى حله يكون جدارها عالى
نصب ميه فى الحله توصل لنص ارتفاع المجات تقريبا
لو زودنا عن كده ممكن الميه لما تغلى تدخل جوه الكيك وتبوظه
بعد كده نغطى الحله بفوطه
ودى وظيفتها تمتص قطرات الماء اللى بتتكون على الغطا
وتمنع انها تنزل جوه الكيك
نغطى الحله بغطاها فوق الفوطه
ونلم اطراف الفوطه فوق الغطا
عشان نبعدها عن النار

كيكة المج على البخار بدون فرن

نحط الحله على نار عاليه لحد ما نسمع صوت المجات
بتخبط جامد نعرف ان الميه بتغلى
نهدى النار خالص ونسيبها نص ساعه
بعدها نفتح عليها ونختبر سواها بخلة اسنان او بطرف السكينه
اذا خرجت الخله نظيفه تكون الكيكة استوت
نطفى النار ونسيبها متغطيه ربع ساعه
بعدها نخرجها من الحله وبالهنا والشفا

ومتخفوش على طقم المجات او الفناجين
خرجت من الحله سالمه غانمه وبدون اى اصابات
ههههههه

فاضل بس اقولكم لمساتى الخاصه
انى ضفت معلقة فروتى برتقال عشان عندى بيحبوا طعم البرتقال فى الكيك
وهو السبب فى النقط الغامقه شويه اللى فى الكيك
وكمان على جزء من الخليط ضفت معلقة شيكولاته خام
عشان اللى بيحب كيك الشيكولاته

كيكة المج على البخار بدون فرن

كيكة المج على البخار بدون فرن

يلا جربوها وادعولى

دمتم بكل خير
__________________

signature

هند غير متواجد حالياً  
07-31-2017, 07:34 PM   #3
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,028

بالهنا والشفا يا هندزة
هههههه
فكرة حلوة وطريقة جديدة
نجرب وربنا يستر
والواحد ميكونش حيعمل
قنبلة متفجرة من غير ما يحس
فكرتني بحلة الفرن اللي لهائ
فتحة في الوسط
كنا بنحطوها على البوتاجاز
من فوق لكن فيه قمع
بيبقى في الفتحة علشان
الكيكة متتحرقش
تسلمي حبيبتي ربنا يبارك فيكي
__________________

signature

هالة غير متواجد حالياً  
07-31-2017, 09:29 PM   #4
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,304

مراقب عام ورد للفنون الغاليه هند
توقعت ان تكون الخميره او قلة البيكنج بودر
هى سبب من اسباب هبوط العجينة
و طبعا مع ايمانى بقلة خبرتى فى مجال الطهى عموما
لكن احس ان تسوية العجين فى المجات مجازفه
رغم ان التجربه موثقه بالصور لكن تظل الرهبه
لان مع ارتفاع درجة الحرارة مفيش حاجه مضمونه
و لا حاجه هتكون تحت السيطرة
احنا نجى ناكل الكيكه عندك
و نحافظ على مجاتنا سليمة
طالما انتى صاحبة التجربة و العزومه
موضوع جميل تسلم ايدك
شكرا لكِ
__________________

signature

moh004 متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
كائنات تعيش فى اعماق البحار may eljebri التصوير الفوتوغرافي صور فوتوغرافية تقنيات ابداع المصور الفنان 15 11-24-2013 09:27 PM
عجائب عالم البحار فى صور هالة التصوير الفوتوغرافي صور فوتوغرافية تقنيات ابداع المصور الفنان 19 05-13-2013 03:17 PM
لوحتى عن قاع البحار حبيبة الرحمن الاشغال الفنية اليدوية خامات البيئة الطبيعية والمصنعة 5 06-28-2011 02:05 PM
اسرع كيكة على طريقتي ومن مطبخى ام نور مطبخ ورد للفنون اسهل طرق تقديم اطباق وصفات طبخ خضروات فواكة حلوى 14 03-04-2011 11:41 AM
كيكة الحب مقادير و وصفه مجربه ارواح الاقتصاد التدبير التجارب المنزلية غرز كروشية تريكو تطريز الباترون الخياطة 3 10-19-2010 08:19 AM


الساعة الآن 10:08 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc